隨筆:李曦彤

此處之言論僅代表李曦彤（李峒）本人想法，且以個人身份發言，並不代表其所屬組織的全體想法。

社會

• 人唔應該為社會而改變，社會應該因爲人而改變。

• 「每個人都有私欲......我哋心中嘅烏托邦，條件就係每個人有信仰而且唔互相排斥。」節錄《對比》李曦彤

• 混亂來自恐懼，恐懼來自未知，未知做成混亂。恐懼與混亂過後，有什麽得到了嗎？

• 人性比一切都恐怖。

• 宇宙再大也大不過人的貪念。

個人

• 當我搵唔到生存嘅目標，我就要話畀自己知，我，係為神而活。

• 跌過就知咩叫痛，痛過就識珍惜。

• 「無事先可以做世界冠軍啊嘛！」- 鍾鎮濤

• 我只會講同做有把握嘅嘢，講得出就唔好食言。

• 每天起床照照鏡，準備好笑臉了嗎？

• 遇見晴韻呢班死拍檔係緣份，亦都係我最感恩嘅嘢。

• 真正的我可還活著否？

• 人生果然如戲，是演出來的。

感情

• 平淡，也是一種幸福呢。

• 十對早戀九對分，分完還要找我安慰，還是勸你們不要早戀。

• 勇敢去一次，才是青春！

文學作品：對比

童話故事，係好多人童年嘅一部分。每個小小讀者，都曾經想像過一個咁美好嘅世界，幻想自己係故事嘅主角。

由細細個開始，我哋就充滿唔同嘅幻想，心入面有個完美嘅烏托邦，但係呢個世界永遠實現唔到。

所以，童話以及一啲作者幻想美好世界嘅故事，帶畀我嘅反而係對呢個世界嘅失望、落差、同無力感，無力去令環境變得更好。

其實呢啲幻想，絕大部分人都差唔多，幻想平等、幻想飽足、幻想幸福、快樂、愛、和平，呢個係共同嘅夢中烏托邦。但係點解，明明每個人嘅希望都咁相似，個落差卻係越嚟越大呢？

照我睇，就係每個人都有私欲。

利益，主導緊今日嘅社會。有人以為錢係萬能；有人冇任何信仰，於是錢變成佢哋嘅信仰。無論咩信仰，除咗嗰啲好極端嘅之外，基本上每個信仰都教人有好品德同操守。有信仰嘅人，錢唔係為上，利益唔再係一切嘢嘅動機，唔會再令人發狂。

所以，我哋心中嘅烏托邦，條件就係每個人有信仰而且唔互相排斥。呢啲嘢呢，就唯有喺心入面實現啦。（396 字）